پێناسی دیجیتاڵی کە پێشی دەگوترێت UPN، ژمارەیەکی بێهاوتایە کە شوناسی تۆ پشتڕاست دەکاتەوە و ڕێگەت پێ دەدات بەپارێزراوی دەستت بە خزمەتگوزارییە دیجیتاڵییەکانی حکومەت بگات.

پێناسی دیجیتاڵیت شوناسەکەت پشتڕاست دەکاتەوە کاتێک خزمەتگوزارییە دیجیتاڵییەکان بەکار دەهێنیت، هەروەها گەرەنتی ئەوە دەکات کە زانیارییە کەسییەکانت پارێزراون.

دەتوانیت پێناسی دیجیتاڵیی خۆت بە چەند ڕێگەیەک بدۆزیتەوە:

١- لەسەر ئەو بەڵگەنامەیەی کە لە بنکەکانی بنکەکانی تۆماری پێناسی دیجیتاڵی وەرتگرتووە لەکاتی سەردانەکەتدا، کە ناوی خۆت و ژمارەی UPN و کۆدی QR لەخۆ دەگرێت.

٢- لەسەر نوێترین مۆڵەتی شۆفێریت.

٣- لەسەر ناسنامەی سەندیکای پارێزەران (بۆ پارێزەرە تۆمارکراوەکان).

٤- بە ناسینەوەی ڕووخسارت لەناو بەرنامەی KRDPASS

دەتوانیت پێناسی دیجیتاڵی بەدەست بهێنیت لە ڕێگەی سەردانیکردنی یەکێک لە بنکەکانی تۆماری پێناسی دیجیتاڵی کە لەسەر نەخشە لە ناو بەرنامەکەدا پیشان دراون. بۆ دۆزینەوەی بنکەکان، بڕۆ سەر: پێناسی دیجیتاڵی من بدۆزەوە > پێناسی دیجیتاڵی بەدەست بهێنە.